|
بشيش عا ام اللبن ومنيحة الاطفال == تحملت شي فوق طاقتها من الاثقال بركت وعزوها الرجال == ومكانها تظلع == تداركها بكيه من مكاويك لي ماكوى فوق البخص == بلاش كيه ماياثر فيك ------------------------------ على حسب وصف الناس قالو تسبق الخيال == وتعقب الراكب ولايتعب بها جمال لكن اولاد الحلال == طلعو بها برع == ويبغوها مطيه للصعاليك لي ماكوى فوق البخص == بلاش كيه ماياثر فيك -------------------------------- مابايخطمها علي مادمت حي دلال == ماباسمع فيها كلام الخصم والعذال باحط وباشد الرحال == قبل القمر يطلع == بها بسري وساعة يصرخ الديك لي ماكوى فوق البخص == بلاش كيه ماياثر فيك --------------------------------- بصبر عليها سال وادي سر او ماسال == من اجلها بعبر حسر ماتنعبر وجبال في الشمس بادعس والظلال == وفي السمر بقطع == وكود الراك يلقي لك مساويك لي ماكوى فوق البخص == بلاش كيه ماياثر فيك ------------------------------- نا مانسيت ايام نخرج عاكف الدسمال == عاظهرها اقضي مطاليبي ورد في الحال لكننا ما قدر بحال == ودع ومن ودع == جماله دوب يشكين الصوانيك لي ماكوى فوق البخص == بلاش كيه ماياثر فيك الشاعر الكبير حسين المحضار |
لاحــــــــــد يـــكـــلــــم ســـــعـــــد خلـوه يعمـل يعمـل عـلـى مشتـهـاه صـــــــح مـاســمــعــت الـــرعــــد والبرق يشعل يشعل علي من سماه يـــاحـــول يـــاحــــولاه مـالــيــلــه لــــي مـالـقـالــه زبـــــن يـاويــلــه يـاحـارس الرعـيـان فـــي السـيـلـه ياكـل خمـسـه بدوعـمـدوع حـصـاه دخــــلــــت نــــجـــــوم الــــبـــــرد شفـت الحبايـب كلـن عمدفـي دفــاه مــــاحــــدوفـــــاء بــــالــــوعـــــد والوعدواجـب عنـدي ولازم وفــاه مــاشــي لــهــم حـيـلــه ولامـيـلــه لامـــاوقـــع مـسـمـرتـقــع قــيــلــه ولا الـشـكــع لاوي لــهـــم ذيــلـــه تـحـت المـدجـه لاسـقـط واحـدكـلاه الـــشـــكـــرلــــك والــــحـــــمـــــد يـارازق الـنـاس الاتقـيـا والعـصـاه الــــبــــعــــض قـــطـــفـــوالـــورد والبعـض ضايـع ماشـم حتـا شــذاه لــــي مـايـشــد فــــي حلـهـاحـيـلـه ولايــضـــم الـــســـرج ع خــيــلــه مابايـحـصـل فـــي الـعـمــل كـيـلــه والـوردمـابـايـقـطـفـه لــــــــودواه كـلــمــن خـــــرج فــــــي قـــصـــد لاكــن قلـبـي قـصـده وغـايـة مـنـاه غـــالــــي حــمـــيـــش الــجـــعـــد يعجـبـك جـعـده سـاعـة يلـفـه وراه يــغـــذاه مـــــاء ورد وابـصـيــلــه والـمـسـك خـلـطـه حـبــة الـهـيـلـه يامحسـنـه فــي الـــدرع والشـيـلـه كــل مـاوقـف اوعبرسبـحـت الالــه |
تحملنا المصايب كلها الا الخيانة ... حمولتها ثقيلة ماوسعها الخن نفلناها رميناها عطيناها العدانة ... هنيئا للكلاب الحمر لا عدن وهذا قده رأي احسن لأن الجود ما ينفع مع الخائن ولا الاحسان اذا قل الوفاء وش عاد بايبقى مع الانسان بحثناها الى القاعة حسبناها عيانه ... ولا شي ماء ظهر فيها ولا عين وماشي بايجي منها لنا الا العفانة ... ولا قد شح ماء البير يتعفن وقلنا دفنها اضمن مخافة لا نغش طارش يعدي فوقها ظميان اذا قل الوفاء وايش عاد بايبقى مع الانسان وبالمعروف عاملته وساعة بالزيانه ... حسبنا العيف بالمعروف يتزين وتم العيف حيثه عيف واقف في مكانه ... وكل ماله نزل في الغوط وتمكن وحل في الغش واستوطن ومولى الغش حاشا يقبلوه الناس في الاوطان اذا قل الوفاء وايش عاد بايبقى مع الانسان كلام الناس ماله عندنا في القلب خانه ... ولا نهتم بالدخان لا دخن ولكن من يغطي الشمس ويبيع الديانه ... ومن ينكر اذان الفجر لا اذن ومن حط في المسامع صن من الحق ما بظني عزته وكرامته تنصان اذا قل الوفاء وايش عاد بايبقى مع الانسان على الانسان يأخذ الف عبرة من زمانه ... يشوف الشعب كيف اخضر وكيف ازمن ولي ما يتعظ يا قطب قلبه يا هوانه ... وبعض الناس عاده لا عزم هون ولا تذكر زمانه ون زمن ما كان يشبه فيه كسرى صاحب الايوان اذا قل الوفاء وايش عاد بايبقى مع الانسان كلمات المرحوم السيد حسين المحضار |
( عبود هو ذاك هو ).. عدنا ومن غاب عن ارضه اليها يعود ... وعبود هوذاك هو ماشي انقلب في عبود يوعد وينسى الوعود ... ولعاد يشتاف في جمعه ولايوم عيد مبعد ولكنني ماشوف ارضي بعيد يحلم بايام بيضاء جاته ايام سود ... وسحابه المزدحم مافيه غير الرعود والغيث خلف الحدود ... كان بينه وبين الغيث سد من حديد مبعد ولكنني ماشوف ارضي بعيد انا محب اكره الهجران هو والصدود ... والبعد ماباه والفرقه عدوي اللدود افرح اذااحنا سدود ... واحباب ونقول نعم الراي هذا السديد مبعد ولكنني ماشوف ارضي بعيد لاغبت يومين عنهم حس راسي ينود ... وابات سهران عيني مايجيها الرقود اذكر مروه وجود ... ولايحن عاصحابه غير من كان جيد مبعد ولكنني ماشوف ارضي بعيد الوجد والشوق وسط القلب ماعليه زود ... وآلام واتعاب عيرني بها كل حسود ولعاد نسنس برود ... لي من قداهم ولامكتوب جاء بالبريد مبعد ولكنني ماشوف ارضي بعيد رحمة الله عليك يالمحضار |
ســال مــن رحـمـة الله كـــل وادي ***يــاســعــاد الـزبـيــنــه يـــابـــلادي اصبري واسهري لاتغمضي العين***كـــل مــــا جــــاء بــــه الله زيــــن للـقـدر بافـتـح قلـبـي عـلـى بابـيـن***كـــــل مــاجـــاء بـــــه الله زيـــــن شــل نفـسـك رفــع يـابـن عـبــادي***ســدة الـخــور والـحـوطـه تـنــادي جالـك السيـل مـن مطـراق حنـيـن***كـلــمــا جـــــاء بـــــه الله زيــــــن للـقـدر بافـتـح قلـبـي عـلـى بابـيـن***كـــل مــــا جــــاء بــــه الله زيــــن ايـش باقـول ذا شـي غـيـر عــادي***عـادهـا مـابـداء وقـعـت كـمــا ذي سيـل وادي عـدم فـي وادي العيـن***كـــل مــــا جــــاء بــــه الله زيــــن للـقـدر بافـتـح قلـبـي عـلـى بابـيـن***كـــل مـــا جـــا ء بــــه الله زيــــن يالمكـلا احفـظـي عـهـدك وحــادي***ياتـريـم اجعـلـي خـاطــرك هـــادي لاتـقـولـيــن يـاســيــؤن يــهــويــن***كـــل مــــا جــــاء بــــه الله زيــــن للـقـدر بافـتـح قلـبـي عـلـى بابـيـن***كـــل مــــا جــــاء بــــه الله زيــــن ياشـبـام اصـبـري عــادك تـمــادي***لاتـحـرقــيــن بـــالأنّـــه فــــــؤادي عـادنـا عـالـمـدى بـاوفــي الـديــن***كـلــمــا جـــــاء بـــــه الله زيــــــن للـقـدر بافـتـح قلـبـي عـلـى بابـيـن***كـــل مــــا جــــاء بــــه الله زيــــن يـاعـدن ياتـبـن يــا ابـيــن تـهــادي***ياهـل شبـوه الشراقـي والنـجـادي يامحبيـن فــي الغيـظـه وحصـويـن***كـــل مــــا جــــاء بــــه الله زيــــن للـقـدر بافـتـح قلـبـي عـلـى بابـيـن***كـــل مــــا جــــاء بــــه الله زيــــن كـلّـنــا بـانــظــم مـــــرّه الايـــــادي***فـي الـقـرى والمـدايـن والـبـوادي بـانـقـوي العـزيـمـه بيـنـنـا الـبـيـن***كـــل مــــا جــــاء بــــه الله زيــــن للـقـدر بافـتـح قلـبـي عـلـى بابـيـن***كـــل مــــا جــــاء بــــه الله زيــــن |
يادمع عيني ( قصيدة سياسية للشاعر الراحل / حسين المحضار ) في فترة مابعد أحداث يناير86 م في الجنوب وقال فيها:ـ مهما تحدى الزمن مهما جرى ماجرى مهما دهتني الهمـــــــــــوم ماباحني الرأس مابخضع تحط السماء والا تغيـــب النجــــــــــوم حوادث الدهر ياكم جاءت تمطر على رأسي كبار الــــــــــــزوم بصبر على ذا الاذى صبر الحيود القوى لما تمــــــر الغيـــــــــــوم كلما عبر وقت جانا من قداهم نــــــبا مفجع وأخبار شــــــــــؤم ذي حكمة الله شاء العقل أو لم يشاء ذا قسمنا في القســــــــوم |
در أنا ما باك در أنت يبست المنيحة لي تدر ما قدر اتحملك ما قدر أو سكن نا وياك في دار من خرج من طوع أهله بايصله اللوم و العار سر كما ما شئت سر ماشي ما بيني و بينك أي سر من مشى من غير سير مايجي منه خبر سار من خرج من طوع أهله بايصله اللوم و العار ايش عادك تنتظر في الهوى مني و أنا وش بنتظر لا قبل ولا عاد منتظر حد ي?قي نفع من ضار من خرج من طوع أهله بايصله اللوم و العار أنت عا رايك مصر حاسب إنك عود في شجرتك صر انقطب ظهرك من الصّر و الذي قد صار قد صار من خرج من طوع أهله بايصله اللوم والعار |
المحضار والقضية الفلسطينية ..
المحضار والقضية الفلسطينية .. ايضا كانت له الكثير من القصائد في شاننا العربي المؤلم والاحتلال الصهيوني .. ومنها ... الشرق ثائر والعرب ثوار في العالم جميعه***وخطاب ناصر استمع صوت العرب لما يذيعه واحنا معاهم وان غدر غادر بنا مابانطيعه***بالله والقوة وبالإيمان بانؤخذ فلسطين هالحين يالله ياعرب وقتكم هالحين ********************* اتفقوا الاخوة على كلمة وياويل المخالف*** جمال أعلنها وأيدها وسط بغداد عارف وكل عربي اليوم أصبح فوق خط النار واقف*** باينزعون الحق من أيدي اليهود المستغلين هالحين................................ ******************** اللي تقدر كان ياماكان والسقطة سليمة *** ياللخسارة مالبذل الروح عند الحق قيمة الحرب خديعة والخيانة عندنا اكبر جريمة*** خانت دول كبرى وعابت مالها مبدا ولادين هالحين................................. ************************ تبا لإسرائيل وأمريكا معاها انجلتره *** تبا لها ماشي يصلنا منهم غير المضره لكن ماشي عذر بايمسون بين الناس عبره*** وتنزل النمرة وتصفي في المئه خمسة وعشرين هالحين.......................................... رويد نحن العرب اهل الضرب في كل المعارك***واحنا لنا البترول في بترولنا ماحد مشارك والله أن يقع رح ياغريب الدار رح دور لدارك*** مالك وسع ياطارد المليون مابين الملايين هالحين.......................................... مابانحط أسلاحنا حتى يعاد الحق لأهله*** ونصفي إسرائيل لانبقي لهم في القدس قبله وبقدرة الله كل شئ مرهون في وقته وحلّه*** موعود قتل القوم لي من غير حق قتلوا النبيين هالحين يالله ياعرب وقتكم هالحين |
حيا الذي نادى وحيا الله الذي لبى الندى **** دعوة أبو خالد لقت في هذه الدنيا صدى جمعت قلوب العرب والرؤسا على شور الهدى*** في مؤتمر واحد ولكنه خدم كل الملايين العودة العودة ثم لابد من فلسطين *********************** قالوا فلسطين الحبيبه ما بغيناها كذا*** غدا نصفيها من إسرائيل والخونة غدا ارواحنا واموالنا لك يافلسطين الفدى*** ياموطن الآباء ويامثوى الكرام اليعربيين العودة...................................... ********************************* اليوم يوم الانتها واليوم يوم الابتداء*** طال المدى يكفي من المهلة وتطويل المدى مليون لاجئ كلها أموالهم راحت سدى*** بعد التجارة والصدارة أصبحوا فقراء مساكيين العودة............................................ . *********************************** قم ياجمال العرب قم واخرج من العين القدى***وخل اسرائيل تخرج بالعمامة والرداء ياصاحب الاسم الذي منه يرقلون العداء*** جمال وتجمّل وناصر ينصره المولى بك الدين العودة.................................. واحنا هنا من حضرموت اليوم نحدوا من حدا*** نمدد ايادينا نبارك خطوتك فامدد يدا الخير كل الخير في الوحدة وفي الفرقة أذى*** الله ينصركم ويبعد منكم كيد الشياطين العودة العودة ثم لابد من فلسطين |
اقتباس:
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
| الساعة الآن 07:40 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd
الحقوق محفوظة لدى منتديات مركز صوت الجنوب العربي (صبر) للحوار 2004-2012م