قصيدة للشاعر بن شجاع تعقيب على الشاعر البجيري

[@الكاش@]

قصيدة للشاعربن شجاع تعقيب على قصيدة الشاعر البجيري

يقول أبن الجنوب الليل طول = وفاق الصبر عن حد احتماله
بدآنا يالبجيري وأنت لول = لتحرير الوطن بعد احتلاله

قطار الشارع اتحرك وزلزل = تراب الأرض وهتزه جباله
وضحى كم من أحمر عين وابذل = بروحه في ميادين البساله

وكم جرحى وكم بالسجن كبل = بقيده في زنازين اعتقاله
وعاده فوق ذا يسعى ويعمل = على طمس الهويه والاصاله

وكفرنا علي تفله وحلل = دمانا بعدها تلك الرساله
نهب ارضي وثرواتي وكمل = ونحنا كلها قيله وقاله

الأ ياقادة الميدان شي حل = فضحتونا حقيقه لامحاله
نظام الطاغيه فينا تمهزل = لماذا ما تردوا عن سؤاله

لماذا كل منكم ما بيقبل = بأن يستوعب الكل في نضاله
وكل ما نلتقي بالحال نفشل = من أسباب التخلف والجهاله

ومن كيف وخزن قات شكل = صنع بالوهم هيئه في خياله
وقال الشرعيه لي با تمسئل = وصارة عند بعض الناس حاله

وحب الذات عنده صار معول == ومعول هدم لكن بالوكاله
لان الحز عنده خير وأفضل = على ارض الوطن من لستقاله

مكان الفكر حق لينين لول == وبيحافظ على تلك السلاله
اذا حد خالفه بالراي عطل = ولأ همه دما على الأرض ساله

بيوعد واختلف من دون يخجل= وله وجهين من خلف الجواله
كأنه هو وصي عالشعب منزل = وما دونه عماله في عماله

حنبنا فيك يا لدوع ولهبل = وعاله صرت بالميدان عاله
حجر عثرى وذا مثبت مدلل = وسجلها بعنوان المقاله

مكانه حزب حوشي ما تململ == بيستهبل بخبرتنا هباله
يبا منصب وبرنامج مفصل = على مقياس سرواله وشأله

كأن ارض الجنوب الحر مسجل = بأا سمه عقد ملكية بقاله
بصنعاء حبله السري موصل== وانا باقولها مالي وماله

وحبل الكذب مهما طال يكمل = علينا وأجب انقصقص حباله
يدق راسه ثمر او حيد منقل == وويله ويل من قلة رجاله

رجال الدين عنده ما بتقبل = ولا تاجر كدح في راس ماله
يريد الشيخ والسلطان يرحل = رضى للشرجبي محسن وآله

الشاعر محمد بن شجاع اليافعي