قصيدة من المناضل حــــسـن باعوم من زنزانته يقول بوصقر صد النوم من لعيان ****بعد الحلم

[قاسي الوهبي]

يقول بوصقر صد النوم من لعيان ****بعد الحلم ذيمساء البارح يراودني

حلم ولاكان يخطر لي علئ الاذهان ****حلمت أني بصنعاء رحت متعني

وابحث علئ سجن جانب جامعة لايمان****ابحث وادور علئ انسان يرشدني

وفي النهاية تحصلنا علئ العنوان ****وعند بوابته جندي استوقفني

وقلت بلاة فك السجن ياسجان****الفين حق السجارة وانته انفعني

عملة مزور وخذلك الف خذ ألفان****ومن البوابه الخلفية جزعني

واللي تريدة خذة مني بشرط الان ****علئ المناظل حسن باعوم وصلني

وقال ابشر ومابين اربعه جدران ****وعند شباك ربع المتر وقفني

نظرت لاشقي الايسر نظرة يمان **** شاهدت بوفادي بنظره يطالعني

لماعرفني نهض واقف علئ العيدان ****وسار نحوي من الطاقه يكلمني

وكنت مشتاق لعناقه في الاحضان ****بـس للاسف عنه الشباك يبعدني

وقال مرحيب مابات المطر شنان ****مرحيب الفين في من جا يزاورني

فرحان بزيارتك عمك حسن فرحان****ياشاعر الثورة السلمية خبرني

اشرح لنا حول مايجري بلاكتمان ****بدون تخفي علية شي وتستثني

وقلت ابشر بسعدك سم بـ الرحمان****شينه وزينة تطمني وتزعجني

ثورات تغيير ضد الحكم والطغيان ****في مصر والشام و المغرب وفي اليمني

ابن علي شد من تونس وهو مهتان ****وبشهر واحد فقط بعده رحل حسني

وبعد اسبوع ثارت ثـــورة الفرسان****في ليبيا وجات ماهي حسب مالعني

ظهر معمر لنا يـخطب في المـيدان ****وقال سيفي بيدي من يبارزني

انتم حشرات وانتم كـلـكم جردان****والهلوسه من شربها مايخوفني

معي طرابلس وبن غازي مع الزنتان****وفريقيا بلطجيتها تناصرني

وبعدها في اليمن اتفجر البركان ****ثارو علئ الطاغية شيعي مع سني

بقيادة الناشطة متوكلة كرمان****وبدعم محدود مايذكر من القرني

حرمة تساوي بعين الناس الف انسان **** والمشترك بعدها يطبل وبيغني

واخلال اسبوع هزت مملكة سنحان****وقالت البلطجي يرحل يفارقني

لاكن علي راح واستنجد في الجيران ****وقال لي منعكم باحل ينقذني

خايف يقع زحف نحو القصر لشبان ****وبنت كرمان في قصري تبهذلني

والحبل مشدود باقي بينهم للان ****واحنا لهم ياابوفادي بـ لستني

وقالي كيف قلنا ترجم القيفان ****ياعم حسن استمع لي لاتقاطعني

اما عدن باقية في الهم والاحزان **** والقرد باقي بها مازال متهني

لاراح شيطان بايبقاء بها شيطان **** وان راح جني لنا يظهر بن الجني

وقالي كيف وضع الناس في الميدان**** ويوم الاسير الجنوبي حد يئازرني

وكيف لاوضاع في الضالع وفي ردفان ****وفي المسيمير يابوصقر خبرني

شي مهرجانات في لودر وفي عزان **** عن كل شي ياطويل العمر حدثني

وقلت له لاتدقق كل شي بيبان ****وبعض السئولات فيها ليش تحرجني

وان تشتي الصدق مني كان ياماكان *** تقاعسو ذي عليهم كنت تسئلني

فيهم تقاعس حصل ليسئ علئ العدان****ووظاعهم بـ الصراحه ماتطمئني

وانماء الصبر حكمه والذهب بيبان **** ماودي الخوض في التفصيل يئسفني

اما عدن بـ الصراحه يومها حنان ****العاصمه هذة الايام تعجبني

ملاحم يصدروها ذالك الشجعان ****رغم المجازر ورغم الحاجز الامني

واعلام لجنوب في قمة جبل شمسان ****تمسي ترفرف وبلماضي تذكرني

واهل المكلا كذالك اثبتو فرسان ****لهم مواقف في الساحه تشرفني

والشحر وشحير وقصيعر وفي الريان **** والديس بسم الجنوب الحر تتغني

والواد ثائر وثارت نوح وسيبان ****لاخبار من عندهم زينه بتوصلني

حسب الصور ذي تصلنا من شهود عيان ****زينه بماتنطق الكلمه وماتعني

وقالي وين راح الشنفرة مابان ****ماظن انه ولي العهد يخذلني

ووين جا الشيخ طارق ذالك السلطان **** ذي عالوفاء للجنوب الحر عاهدني

هل ذالك الوعل لرجب باقي بحسان ****ولابصنعاء وشله من علئ ذهني

والناخبي حي والا شلة الطوفان **** جابولي اخبار عنه امس تزعجني

ووين جا ناصر النوبه وبن جبران ****ووين شلال والطماح كلمني

وحقيس والخبجي ووين جا سعدان****وبامعلم وفادي وين راح ابني

اهل البيانات والتصريح والاعلان **** واهل الخطابات عبر النت ياغبني

ذي من خطاباتهم تتفجر الاذان **بافعل وباترك وبانهدم وبانبني

بنرجعك يالجنوب الحر عالعدان**** اصبر علينا فقط لحضات وتئني

لطفل بنرجع البسمات والنسوان **** لأم وضاح والدرويش والحني

بنحرر الضفة الغربيه والجولان ****والقدس وقطاع غزه دون لستثني

وقلت له معذره ياعم لستئذان ****ماتسمع العسكري نادا ويزهمني

مع السلامة ومن قبل انصراف الان **** تريد شي اوصيه باتوصيني

وقال ماريد غير الصبر والسلوان **** اللة علئ كل متخاذل يصبرني

اسئل من الله من ربي عظيم الشان **** لاجل الجنوب الابي بـ النصر ينصرني

الحر مايعيش عـ الدنياء وهو مهتان **** ومن حيات التعس والذل مستغني

النصر اوالموت لاثالث فقط ثنتان **** والا الشهاده وانا مئسور في سجني

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]