جديد ابو بافع اليافعي

[الحمري]

اليافعي قال ابو يافع= يا نجم بين الشهب ساطع
دار الزمن والوطن ضايع= والارض بالكون دواره
لا بد من يوم نتحرر= من ظلم مندوب بالحمر
ونردع الظلم والمنكر= ويحرق الخصم في ناره
ما دام شعبي نفذ صبره= من قصر سئون للمهره
ومن عدن لا رباء حمره= محسومه اراه وافكاره
فليرحل الغاشم الجاني= من كل ارضي واوطاني
كما رحيل البريطاني= مهزوم واجيوشه انهاره
معاد لك عندنا قبلان= يا فارسي من بني سنحان
وصلت من سجن في ايران= كانت على اذنيك زناره
سارق وحولك سرق مثلك= ارويتهم جهل من جهلك
تحكم دحابيش تخضع لك= واحلامهم شبه منهاره
خرفان وانته خروف اكبر= ولا بهم كبرياء تذكر
عميان من خلف تيس اعور= ترقص على صوت مزماره
والاشتركي قد انهيته= ودار فتاح هديته
لاهو يباني ولا ابيته = يروح دحباش وانصاره
انا جنوبي دمقرطي= ورايتي فوق يا واطي
بالبر والبحر والشاطي= واللول لولي ومحاره
ولي جماهير تدعمني= في كل حاره تساندني
وست غزان تتبعني= ثوره وللشعب ثواره
كما بدت امس في ردفان= بكره ستنبيك من شمسان
وتحرق الارض بالنيران= في وجه من قل مقداره
مهما تكلم ومهما قال= مازال محتال بن محتال
نصاب في قبعة دجال= يجيد تمثيل ادواره
من عام تسعين يتقلب= يا كم يعاهد وكم يكذب
لا ماء وصلنا ولا كهرب= ولا وظايف لمن زاره
والنفط في ارضنا موجود= والبحر والنخل له مردود
وانته معك قات يا نمرود= يتفاخروا فيه تجاره
لابه نفاعه ولا محصول= ما غير يقضي على المدخول
اصبح به المجتمع مشغول= لا شاف ليله ولا انهاره
يكفي معك ذي مضى يكفي= لو تجمع المال في كفي
لن اقبلك يوم في صفي= برع من الدار يا فاره
اريد مستقبل اولادي= في موطني موطن اجدادي
فيه افتخاري وامجادي= افدي ترابه واشجاره
ما عدت ارضى بما يجري= من بذخ واسراف مستشري
زاد الغني وافقر الفقري= وحطم العلم واسواره
والاغتيالات بالجمله= في ضل حاكم فقد عقله
لا شاف كادر نوى قتله = من اجل يبقى الغبي جاره
يبطش ويقتل ولاهمه= منزوع من قلبه الرحمه
حب الدما جزء من جسمه= جزار من ناس جزاره
بل يقتل القتل ويشله= بجنازته ضمن من شله
ويدعو الله يغفر له= وهو الذي قام بالغاره
امثال هتلر وموسي لين= وبوش والخام بن يامين
وبالغدر والقتل مشهورين= واخبارهم تشبه اخباره
قتل حسينوون في حربه= والــــ حق عمر داخل الحلبه
والمؤتمر للاسف حزبه= معروفه اراه واسراره
شكل عصابات مافيه= من الغجر والحراميه
تسرق وتبطش علانيه= والطقم حارس وطياره
من ذو زمن والقلم مشغول= بالنصح والنقد للمسئول
ولا سمع صوتنا بهلول= مشغول بالمال واهداره
يهرج ويمرج ويتبختر= اتقول ادلوف بن هتلر
والشعب لا ما ولا سكر= لو جاع بطنه كل احجاره
ماهو كذا يا علي كنبه= تلعب على المجتمع لعبه
من زار دارك قضي نحبه= بوجاع وهميه غداره
تلصق تُهم باطله بالناس= وتخلق اعذار يا جساس
بنيت دارك بلامقياس= واليوم مهدومه اظباره
ماحد معك بالقفص ما حد= لاانا ولا احمد ولا حامد
ميتين بالميه بل زايد= من الجنوب اعلن اصراره
على التحرر من الاذلال= والجهل والظلم والاهمال
والسيطره عالوطن والمال= واهدار ثروات مدراره
قالوا تعبنا من الواقع=من لحج لمعين للضالع
ومن شحن لا جبل يافع= متكاتفه ناس جباره
واخر صلاتي على الهادي = ما قرد الهدهد الشادي
والسيل بالحيد والوادي شرف بدلادي بأمطاره[