قصيده في رثاء الحوطه : "لعيال بن علوان صرنا مهزله "

[د0 الشبواني]

سلام للحوطه معطر برسله***لشيوخها ورجالها وللي بدون

لاجيت بقطف ورد دمعي بلله***ون جيت برسلك مقل تبكي العيون

لذلك انا بهديك طائر احمله***داخل قفص صدري وللي يكون يكون

كما فراشة رفرفت عالسنبله***قلبي يرفرف فوق هاتاك الحصون

حوطة علي أدللي يا مدللة***تسلم عليه لي وتسلملي العيون

يالسنديانه قدركم من يوصله***ياسيدة كل القرى عبر القرون

يا اقحوانة حالمة يا قرنفله***يا ارتحال الحلم في ليل الشجون

يا اغنية على الشفاه والآلسنة***يا ارتعاشة رمش تغريه الجفون

قلبي يحج اليك فهلا تقبله***وتطوف اشواقي بتياك الحصون

لو لم اكن حوطي يكفي الحوطنه***تنداح في ابعاد روحي في جنون

يا عبق التاريخ للي يجهله****يرجع ورى شويه ويعرف من اكون

لو للشرف تفضيل انتي افضله***يا دبي شبوه في التجاره والفنون

كنتي على مر الزمن-يا المذهلة***الحامية لكل القبايل والبطون

والدين من له دين واجب يردله***وانتي التي في كل قريه لك ديون

واليوم يتخلون هل باقلقله***يا غارة الله يا غبوني بالغبون

حيابكم ياهل السلب والقبوله***بالزدمل حياء بحمران العيون

وهل العمايم والسبح والمكحله***يا مرحباء حيا بعشاق الدخون

يا هوين يا لوماه يا للمنذله***تستصرخ الحوطه وانتو تضحكون

حوطة علي ما تستخي للبهذله***وعيالها ونساءها يتشردون

من الخرامه للحضن للمنثله***يا باطلي من قال هذا بايكون

لعيال باعلوان صرنا مهزله***دي كان اول عندنا يتسولون

بعد الحراوه نص مهره قنبله***والعالم الله ايش عاده بايكون

باداحية يشخل لصحن بن مقبله***واللحم قد شله عليهم باقرون

الشيخ باحنحن حكمة ومعقله***طفاء حرايق كان يمكن ان تكون

من غير باديان حل المشكله***والشيخ بوداحس وديهم حاضرون

هذا مقدر رغم عنا نقبله***والسيل لروس بايصل لما دبون

عيال صيع مرفله في مرفله***لا يعرفو عبسى ولا عما ونون

حد ضن نفسه ربنا قد ارسله***ولاخر يضننه امير المؤمنين

حالات نفسيه هوس في بهلله***اما طفوله معقدة ولا جنون

محمد سفيل عنده حلول المسألة***ذا عبقري رغم المشاكل في العيون

هذا سلامي يا صديقي احمله***من الشعب لعلى للعبر ولا تهون

شاعر الغروب : أ باديان