السوسه ياسميره - منتديات مركز صوت الجنوب العربي (صبر) للحوار

صوت الجنوب · #1 03-07-2005, 03:41 AM

السوسه ياسميره

بقلم:المهندس/ مخدوع العاطفي
المشكله مش في سميره
هيه من زمان من ايام السكونيه
جاءت من السوسه الكبيره
الي ظلت سنين مزروعه بالمطيره
بحجه الانتماء الى انساب نظيره
مخادعينش واسميره

في الاجتماع قالوا
انت فرع من موطن نظيره
عمقش والاسترتيجيه

وبالمخدره اكلوا الشفوت والفطيره
ونفدوا الخطه حسب املاء نظيره
خلوا بيوتش واسميره
خاويه من اهلها بلا بصيره
وحولوا الحناء في يدش دماء دريره
قطعوا الوريد مرتين
بالشعارت
وفي الاخير باعوش ياسميره
بلا ثمن واتقاسموش على طاوله مستديره
اما البسم مش مننا ياسميره
البسم من الجبل خرمع الخباز
من نعت نفسه بن حاجب
ولجرمه يموت من غير صاحب
من جباله البعيده
يجري بعد السحاوق والفطيره
لاتزعلي ياسميره
صافي الماء بانجيبه
من منابعنا القريبه
او منابعنا البعيده
شوفي الجمل لازال يحمل هودجش
وقت الزفاف بلا نقاش
حولوش كشكول صغير
يملوا عليش شو باتقوليه
اللي كتب عقد ش واسميره
خدروه الخبره وقت الظهيره
وشربوه كاس المنى
حتى سمعنا شخيره
عازفين على الوتر
الاسطوانه القديمه
الجلاسنوست والشفافيه
وجزعوه عبر النفق
وعطروه باسبري سبيشل خطير
وركبوه سيكل نار
لما تكسر مفصله
وفي الاخير تندم على بيدله
هدا الزمن ردي ياسميره
دبسه اصبح عسل
لما صرتي بعد البلاء ضريره
زرعوا الافات في المطيره
وصار زرعش مجهول مصيره
وبدلوا الشرشف بزنه الجهل
ودخلوش بالغصب بيت ابو جهل
كي ينهبوش واسميره
لما نزل بندرش الرباح
قالوا الصباح الرباح
كي يغنموا كنوزش
وفي الخفاء سوس اكلوا قفاعش
الدخن والغرب مليان سوس نظيره

اقسموا ان الزفاف على القسم والاتفاق
وبوثيقه العهد والاتفاق
وفي الاخير نهبوا الحيوش
لاتئاسي ابدا ياسميره
مادام بناتش واسميره
عدن المكلا شبوه لحج سيحوت
و زنجبار ينجبوا اسود
ويدركوا ان المسار
مهما طال زمن التتار
كان اعوجاج معانا بديله
كيف نفكك خيوط العنكبوت
من الولاده حتى نموت
الامل في اسودش
يطلعوا السوسه من حبوبش
ويحرسوا المطيره
وبانلبسسش احلى حرير
ونطرح على عروسش كوفيه زنجباري
ومشده باب لحج
ونخليش مطهره من الرباح
يتحولوا اشلا تحت نعالش
ونصنع يومنا نحن عشاقش
من ثديش عبر السنين رضعنا ياسميره
العلم والفن والبصيره
اما الرعاع يبقوا ضباع
متخبين في الفيافي والجبال
هده غريزتهم واسميره
لاتستغربي من حقد نظيره
شوفي العلم باقي يرفرف
مهما غالطوش بعد المصيبه
برميل كرش قفز من التراب
واصبح هرم عمق الدماغ
باقي الى يوم الازل الى زوال البسيطه
هدا امتحان من ربنا لاتزعلي ياسميره
كي يصير عودش هدار
وتصبحي تاج الجزيره

6/3/2004